ସୁନ୍ଦରଗଡ ଟାଉନ ଥାନା ଅନ୍ତର୍ଗତ କେନ୍ଦୁପଡାରେ ଆଜି 33KV କ୍ଷମତା ସଂପନ୍ନ ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଗୁରୁତର ଆହାତ ହୋଇ ସୁନ୍ଦରଗଡ ମୁଖ୍ୟ ଡାକ୍ତରଖାନାରେ ଚିକିତ୍ସିତ ଅଛିନ୍ତି  । ରବିନ୍ଦ୍ର ରୋହିଦାଶ ନାମକ ଏହି ବ୍ୟକ୍ତି ଜଣଙ୍କ ନୂଆ ଘର ନିର୍ମାଣ କାମରେ ସାମିଲ ଥିବା ବେଳେ ଅସାବଧାନତା ଯୋଗୁଁ ଏହି ଅଘଟଣର ଶିକାର ହୋଇଛନ୍ତି  । ଘଟଣା ଘଟିବା ପରେ ଘର ମାଲିକ ତାଙ୍କୁ ସୁନ୍ଦରଗଡ ମୁଖ୍ୟ ଡାକ୍ତରଖାନାକୁ ଆଣି ଭର୍ତ୍ତି କରିଛନ୍ତି  ।  ଆହାତ ବ୍ୟକ୍ତି ଜଣଙ୍କ ଅନ୍ୟ ମୁଜୁରିଆଙ୍କ ପରି ଠିକାରେ କାମ କରୁଥିଲେ ବୋଲି ଅନ୍ୟ ମୁଜୁରିଆ ମାନେ କହିଛନ୍ତି  ।  ତେବେ ରବିନ୍ଦ୍ରର ଅବସ୍ଥା ସଂଙ୍କଟାପନ୍ନ ଥିବା କଥା ଚିକିତ୍ସାରତ ଡାକ୍ତର କହିଛନ୍ତି  । ଏହି ଅଘଟଣ ନେଇ ଡାକ୍ତରଖାନା ତରଫରୁ ସୁନ୍ଦରଗଡ ଟାଉନ ପୋଲିସକୁ ସୂଚିତ କରାଯାଇଛି  ।

ଗଞ୍ଜାମ ଜିଲ୍ଲାର ଗୋପାଳପୁର ନିର୍ବାଚନ ମଣ୍ଡଳୀର ରଙ୍ଗେଲଲୁମ୍ଡା ବ୍ଲକର ୫୩ ନଂ ଜୋନ୍ ରେ ବିଜେଡି ପକ୍ଷରୁ ଆମ ଗାଁ ଆମ ବିକାଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଜୋନ୍ ର  ମନ୍ତ୍ରୀଡି ଓ ବିଶ୍ୱନାଥପୁର ପଞ୍ଚାୟତର ଦଳର କର୍ମୀ ଏବଂ ସାଧାରଣ ଜନତା ଙ୍କୁ ନେଇ ସିଦ୍ଧଭୈରବୀ ପୀଠରେ ଆୟୋଜିତ କାର୍ଯ୍ୟକ୍ରମରେ କେଉଁ ଅଞ୍ଚଳରେ କେଉଁ କାର୍ଯ୍ୟ ବାକି ରହିଯାଇଛି ତାହା ହୋଇପାରିନାହିଁ ସେ ନେଇ ଆଲୋଚନା କରାଯିବା ସହ ଏହି ଅବସରରେ ଦୁଇଟି ପଞ୍ଚାୟତର ୱାର୍ଡ କମିଟି ଗଠନ କରାଯାଇଥିଲା । ଏଥିରେ ଦଳର ପର୍ଯ୍ୟବେକ୍ଷକ ଙ୍କ ସମେତ ବହୁ କର୍ମକରତ୍ତା ଉପସ୍ଥିତ ରହିଥିଲେ ।

ଜଗତସିଂହପୁର ଜିଲ୍ଲା ତିର୍ତୋଲ ଛକଠାରେ ଲୁଟ୍ । ଛକଠାରେ ଥିବା  ଗୋରେଖ ନାଥ ଗାଡି ସ୍ପେୟାର ପାର୍ଟସ ଦୋକାନ ସଟର ଭାଙ୍ଗି ଦୁର୍ବୁତ୍ତମାନେ ଲକ୍ଷାଧିକ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି । ଗତକାଲି ବିଳମ୍ୱିତ ରାତ୍ରୀରେ ଏହି ଘଟଣାଟି ଘଟିଛି । ଦୋକାନର ମାଲିକ ଗଣେଶ୍ୱ ସାହୁ ଏସଂପର୍କରେ ତିର୍ତ୍ତୋଳ ଥାନାରେ ଏକ ଲିଖିତ ଅଭିଯୋଗ କରିଛନ୍ତି । ସେହିପରି ଗତ ସପ୍ତାହରେ ତିର୍ତ୍ତୋଳ ତହସିଲ ତାଲା ଭାଙ୍ଗି କମ୍ପ୍ୟୁଟର,ଲାପଟପ  ଲୁଟିନେଇଥିଲେ । ଗତ ଦୁଇ ଦିନତଳେ ମଣିଜଙ୍ଗ ସବ ରେଜିଷ୍ଟର ଅଫିସରୁ କମ୍ପ୍ୟୁଟର,ଲାପଟପ ଲୁଟି ନେଇଥିଲେ । ଏହି ଅଭାବନିୟ ଚୋରି ଘଟଣା ବୃଦ୍ଧି ପାଇବାରେ ଲାଗିଛି ।  ତିର୍ତ୍ତୋଳ ପୋଲିସ ଏହି ଘଟଣାର ଅନୁସନ୍ଧାନ ଆରମ୍ଭ କରୁଛି ।

କଟକ ଜରିପଡାସ୍ଥିତ ଶିରିଡି ସାଇ ବାବାଙ୍କ ସପ୍ତମ ବାର୍ଷିକ ମନ୍ଦିର ପ୍ରତିଷ୍ଠା ଉସ୍ଚବ ନିମନ୍ତେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । କାର୍ଯ୍ୟସୂଚି ଅନୁଯାଇ ଆସନ୍ତା ୨୯ ତାରିଖରେ ନିକଟସ୍ଥ ସିଢୁଆ ନଦୀରୁ କଳସ ସୋଭାଯାତ୍ରା କରାଯିବା ସହ ୩୦ ତାରିଖ ଦିନ ପ୍ରତ୍ୟୁଷରେ ମହାସ୍ନାନ, ଗୁରୁ ଅଭିଷେକ ପୂଜା, ସାଇ ସତ୍ୟନାରାୟଣ ପୂଜା,ଆରତୀ ସହ ଘୃତ ଯଜ୍ଞ ଅନୁଷ୍ଠିତ ହେବା ସହ ସଂନ୍ଧ୍ୟାରେ ସର୍ବ ସାଧାରଣଙ୍କ ନିମନ୍ତେ ପ୍ରସାଦ ସେବନର କାର୍ଯ୍ୟକ୍ରମ ରହିଥିବା ମନ୍ଦିର ପରିଚାଳନା କମିଟି ଅଧ୍ୟକ୍ଷ ଜଣାଇଛନ୍ତି  ।